بسم اللہ الرحمن الرحیم
محترم شیخ عبداللہ مدنیؔ ؍حفظہ اللہ تعالیٰ
السلام علیکم ورحمۃ اللہ وبرکاتہ
الحمدللہ بندہ بخیر و عافیت ہے، امید ہے آپ بھی مع متعلقین بخیر ہوں گے ان شاء اللہ۔
آپ کا مرسلہ مؤقر مجلہ ’’نورتوحید‘‘کا ڈاکٹر ازہری نمبر وصول ہوا، بہت خوشی ہوئی کہ آپ نے اس معاملے میں سبقت فرمائی، جزاکم اللہ خیرالجزاء، جماعتی جرائد و مجلات کا المیہ ہے کہ وہ اعلان تو کردیتے ہیں لیکن عملاًخاموش رہتے ہیں۔
محترم اسحاق بھٹی صاحب نے تو ڈاکٹر صاحب کی زندگی ہی میں ان کا سوانحی خاکہ اپنی معلومات کے مطابق زیب قرطاس کردیاہے، ان کے مضمون میں کچھ باتیں محل نظر و تحقیق ہیں، امید کہ مجلہ ’’محدث‘‘ بنارس میں ان کی تصحیح کی کوشش کی جائے گی، البتہ آپ سے گذارش ہے کہ بھٹی صاحب نے ڈاکٹر صاحب کے اساتذہ میں پہلا نام ڈاکٹر عبدالعلی لکھا ہے، زیادہ موضوع بحث بنا ہوا ہے، مولانا عبدالعلی ہونا چاہئے، جو میرے والد رحمہ اللہ ہیں، ڈاکٹر لکھنے سے فوراً ڈاکٹر عبدالعلی ازہریؔ کی طرف ذہن جاتا ہے، جو ڈاکٹر مقتدیٰ حسن ازہریؔ کے جونیر کلاس فیلو ہیں، امید ہے کہ آپ اپنے مجلہ میں اس تصحیح کو شائع کرکے قارئین کو مطمئن فرمائیں گے۔
یہ فقیر شکرگذار ہے ک آپ نے اس کو یاد رکھا، اور خاص نمبر بھیج کر ممنون فرمایا، اس خاص نمبر کی اشاعت پر آپ کی خدمت میں ہدیۂ تبریک و تحسین پیش کررہا ہوں اور طالب دعائے خیر ہوں۔
والسلام علیکم ورحمۃ اللہ وبرکاتہ
العبدالفقیر لرحمۃ اللہ القدیر
محمد الاعظمی
مؤ ناتھ بھنجن،یوپی
السلام علیکم ورحمۃ اللہ وبرکاتہ
الحمدللہ بندہ بخیر و عافیت ہے، امید ہے آپ بھی مع متعلقین بخیر ہوں گے ان شاء اللہ۔
آپ کا مرسلہ مؤقر مجلہ ’’نورتوحید‘‘کا ڈاکٹر ازہری نمبر وصول ہوا، بہت خوشی ہوئی کہ آپ نے اس معاملے میں سبقت فرمائی، جزاکم اللہ خیرالجزاء، جماعتی جرائد و مجلات کا المیہ ہے کہ وہ اعلان تو کردیتے ہیں لیکن عملاًخاموش رہتے ہیں۔
محترم اسحاق بھٹی صاحب نے تو ڈاکٹر صاحب کی زندگی ہی میں ان کا سوانحی خاکہ اپنی معلومات کے مطابق زیب قرطاس کردیاہے، ان کے مضمون میں کچھ باتیں محل نظر و تحقیق ہیں، امید کہ مجلہ ’’محدث‘‘ بنارس میں ان کی تصحیح کی کوشش کی جائے گی، البتہ آپ سے گذارش ہے کہ بھٹی صاحب نے ڈاکٹر صاحب کے اساتذہ میں پہلا نام ڈاکٹر عبدالعلی لکھا ہے، زیادہ موضوع بحث بنا ہوا ہے، مولانا عبدالعلی ہونا چاہئے، جو میرے والد رحمہ اللہ ہیں، ڈاکٹر لکھنے سے فوراً ڈاکٹر عبدالعلی ازہریؔ کی طرف ذہن جاتا ہے، جو ڈاکٹر مقتدیٰ حسن ازہریؔ کے جونیر کلاس فیلو ہیں، امید ہے کہ آپ اپنے مجلہ میں اس تصحیح کو شائع کرکے قارئین کو مطمئن فرمائیں گے۔
یہ فقیر شکرگذار ہے ک آپ نے اس کو یاد رکھا، اور خاص نمبر بھیج کر ممنون فرمایا، اس خاص نمبر کی اشاعت پر آپ کی خدمت میں ہدیۂ تبریک و تحسین پیش کررہا ہوں اور طالب دعائے خیر ہوں۔
والسلام علیکم ورحمۃ اللہ وبرکاتہ
العبدالفقیر لرحمۃ اللہ القدیر
محمد الاعظمی
مؤ ناتھ بھنجن،یوپی
No comments:
Post a Comment